स्वीस रोजर फेडेररले गेरी वेबर टेनिसको उपाधि हात पारे

३ असार । विश्व नम्बर तीन स्विस रोजर फेडेररले गेरी वेबर ओपन टेनिस प्रतियोगिताको उपाधि जित्न सफल भएका छन् ।

गएराति भएको फाइनल खेलमा स्विस रोजर फेडेररले रसियाका मिखायल योज्नीलाई ६—७, ६—३ र ६—४ को सेटमा हराउँदै पहिलो पटक गेरी वेबर टेनिसको उपाधिमाथि कब्जा जमाउन सफल भएका हुन् ।

खेलको पहिलो सेटमा जित दर्ता गराएका योज्नी त्यसपछिका दुई सेटमा भने फेडेररसँग पराजित भएका थिए । ३१ वर्षीय फेडेररको यो ७७ औ उपाधि हो । यसअघि सम्पन्न भएको सेमिफाइनल खेलमा फेडेररले डिफेन्डिङ च्याम्पियन जर्मनीका टोमी हासलाई तथा रसियाका योज्नीले फ्रान्सेली रिचार्ड ग्यासकुइटलाई पराजित गर्दै फाइनलको यात्रा तय गरेका थिए ।

0 comments

Write Down Your Responses

Related Posts Plugin for WordPress, Blogger...