कैलालीमा आगलागीबाट २ करोड बढीको क्षति

२९ असार । कैलालीको धनगढीमा गएराती आगलागी हुदा दुई करोड रुपैयाँ भन्दा बढीको क्षति भएको छ ।

धनगढी नगरपालीका चटकपुरमा रहेको रोशजकुमार कर्णको हार्डवयरको पसलमा विद्युत सर्ट भएर आगलागी भएको हो । आगोले नजिकै रहेको महेन्द्रा ट्याक्टरको स्वरुम किसान ट्रेडलिङमा पनि क्षति भएको छ ।

हार्डवयर पसलमा करिब ३५ लाखको मालासामान जलेर नष्ट भएको छ भने स्वरुममा रहेको ४ ओटा ठूला र एउटा सानो ट्याक्टर जल्दा १ करोड ७० लाखको क्षति भएको छ । आगो स्थानियवासी, धनगढी नगरपालीकाको दमकल, नेपाल प्रहरी र शसस्त्र प्रहरीको सहयोगमा करिब एक घण्टापछि नियन्त्रण गरीएको जिल्ला प्रहरी कार्यालय कैलालीले जनाएको छ ।