दोस्रो राष्ट्रव्यापी बुद्धिचालको उपाधि कायस्थले जिते

काठमाडौँ, २३ असार । नेकोस दोस्रो राष्ट्रव्यापी फिडे रेटिङ बुद्धिचाल प्रतियोगिताको उपाधि गोल्डेनगेट कलेजका मदनकृष्ण कायस्थले हात पारेका छन् ।

सर्वाधिक नगद पुरस्कार राशि रहेको प्रतियोगिताको दशौं तथा अन्तिम चरणमा सोही कलेजका क्यान्डिडेट मास्टर रुपेश जयसवालसँग पराजित भएपनि समग्रमा ८ दशमलब ५ अंक हासिल गर्न सफल मदनले शीर्ष स्थानमा रहँदै ५० हजार रुपैयाँसमेत जितेका छन् ।

उपाधि होडमा रहेका पूर्व नेपाल च्याम्पियन पूण्यमान कर्माचार्य गजुरमुखी चेस क्लबका कृष्ण थापासँग हार्न पुगेपछि मदनलाई उपाधि सुनिश्चित भएको हो । कृष्ण ८ अंकका साथ दोस्रो हुँदै ३० हजार रुपैयाँ जित्न सफल भएका छन् ।

समान ८ अंक भए पनि एसबी प्वाईन्ट टाईब्रेकका आधारमा पछि पदैं रुपेश जयसवाल तेस्रो भएका छन् । रुपेशले १८ हजार रुपैयाँ जिते ।

अन्तिम चरणमा पूर्व नेपाल च्यापियन सुरवीर लामासँग बराबरीको नतिजा हात पारेका फिडेमास्टर विलमलाल श्रेष्ठ चौथो स्थानमा रहे ।


महिलातर्फ काठमाडौंकी विनिता कपाली पहिलो तथा गोल्डेनगेट कलेजकी पूर्णिमा जयसवाल दोस्रो भईन् । कलेजतर्फ गोल्डेनगेटकै नविन जयसवाल उत्कृष्ट रहे ।

प्रतियोगिताको आकर्षणको रुपमा १४ वटै अञ्चलका उत्कृष्ट खेलाडी छानिएको थियो ।

राष्ट्रिय बुद्धिचाल संघ नेपालको आयोजनामा भएको प्रतियोगितामा एक सय १२ खेलाडीको सहभागिता रहेको थियो ।

0 comments

Write Down Your Responses

Related Posts Plugin for WordPress, Blogger...