यातायात व्यवसायीद्वारा मनपरी रुपमा भाडा असुली, झण्डै दाब्बर तिर्नु परेको यात्रुको गुनासो - E Net Nepal

Post Top Ad

contact e.enetnepal@gmail.com to Advertise here

यातायात व्यवसायीद्वारा मनपरी रुपमा भाडा असुली, झण्डै दाब्बर तिर्नु परेको यात्रुको गुनासो

Share This
१७ साउन । अर्घाखाँचीमा यातायात व्यवसायीले यात्रुसँग मनपरी भाडा असुल्ने गरेका छन् ।
वर्षादको समयमा ग्रामीण सडक भत्किएपछि एक त यातायातका साधन निर्वाधरुपमा चल्न सकेका छैनन भने अर्कोतिर सवारीसाधन पुग्ने ठाउँसम्मको भाडा पनि झण्डै दाब्बरजसो लिने गरेको स्थानीयबासीको गुनासो रहेको छ । एक स्थानीयबासीका अनुसार–‘सन्धिखर्क देखि हंसपुरसम्मको हिउँदको समयमा १ सय ३० रुपैयाको भाडा तिथ्र्यौ तर अहिले २ सय ८० रुपैया भाडा लिने गरेका छन् ।

हसपुरका शिक्षक गोकर्ण भुसालले यातायात व्यवसायीको मनपरी गर्दा आफहरुलाई सास्ती भएको बताउनुभयो । हसपुरबाट नौलापानी सम्म २ सय रुपयौ तिर्नु पर्ने र त्यसपछि अर्को गाडीमा ८० रुयपौ तिरेर आफु सन्धिखर्क आएको बताउनुभयो। के गर्ने आउनु पनि प¥यो,तर भाडा मनपरी लिन्छन् कसैले वास्ता गदैनन् उनले थपे ।’

म्यालपानीका कविता थापा आफुहरु अत्यावश्यक काम नभए सम्म सन्धिखर्क नआउने बताईन् । छोरो विरामी भएर सन्धिखर्क आएको बताउने थापाले यातायात भाडा मात्र आतेजाते ८ सय रुपैया तिरेको बताईन् । यातायात व्यवसायीले लिने भाडामा पनि एक रुपता छैन मान्छे अनुसारको भाडादर रहेको छ ।

कसैले १सय ५० रुपैया लिन्छन,कसैले २ सय पनि लिन्छन्, हसपुरबाट आएका भुसालले बताउनुभयो । जिल्लाका सबै ठाउँको यो साझा समस्या बनेको छ । यातायात व्यसायीले भने वर्खाको समय भएकाले केही बढी भाडा लिएको स्वार्कार गर्छन् । असहज स्थिति हुन्छ बाटो विग्रिएको हुन्छ, गाडीको मर्मतका लागि भएपनि बर्षाको समय केही बढी भाडा लिने गरेको व्यवसायीहरुको भनाई छ ।

स्थानीयबासीले भाडा तिरेको तिरै छन् तर प्रमुख जिल्ला अधिकारी सागरमणी पाठक भने अनियमित रुपमा भाडा असुल्नेलाई कारबाही गर्ने बताउछन् तर के कारबाही होला त ? नियम विपरीत यात्रुबाट भाडा असुल्नेलाई ?

No comments:

Post a Comment

Post Bottom Ad

contact e.enetnepal@gmail.com to Advertise here