बाढीपीडितबाट दार्चुला बन्द आह्वान

३० साउन । महाकालीका बाढीपीडित दार्चुलाबासीले सरकारले आफ्ना मागहरुको वेवास्ता गरेको भन्दै दार्चुला बन्द आह्वान गरेका छन् ।

बन्दका कारण सदरमुकाम खलंगा बजार पूर्णरुपमा ठप्प भएको छ । आफ्ना मागहरु पुरा नगरे केन्द्रसम्मै आन्दालने गर्ने बाढीपीडित विपद् व्यवस्थापन संघर्ष समितिले जनाएको छ ।

पीडितहरुले यसअघि नै मन्त्रिपरिषद अध्यक्ष खिलराज रेग्मीलाई भेटी ८ बुँदे माग पत्र बुझाएका थिए । पीडितहरुले दार्चुलालाई संकटग्रस्त जिल्ला घोषणा गरिनुपर्ने, पीडितहरुलाई पुनस्र्थापना गरिनु पर्ने, नगद क्षतिपुर्ति उपलब्ध गराइनुपर्ने लगायतका माग राखेका छन् ।

उनीहरुले बैंकबाट लिएको ऋण मिनाहा गरिनुपर्ने र व्यवसाय सञ्चालनका लागि १० लाख रुपैयाँ ५ वर्षसम्म विना ब्याज उपलब्ध गराइनुपर्ने माग पनि राखेका छन् ।