बँदेलसहित तीन जना तस्कर पक्राउ

३ भदौ । बारा प्रहरीले बँदेलसहित तीनजना तस्करलाई पक्राउ गरी सार्वजनिक गरेको छ ।

प्रहरीले ९ वटा बँदेल र एउटा जीपसहित ३ जना अभियुक्तलाई पक्राउ गरी सार्वजनिक गरेको हो । प्रक्राउ पर्नेमा सिन्धुलीका चश्मालाल गोले, काभ्रे शंखुका दानबहादुर तामाङ र जीपका सहचालक गोविन्द लिम्बु रहेका छन् ।

बा ५ च ९९०२ नम्बरको टाटा जीपमा राखी काठमाडौं लैजाने क्रममा बँदेलसहित पक्राउ गरेको इलाका प्रहरी निजगढले जनाएको छ । गोलेले बाराको भरतगञ्जसिगौलबाट बँदेल किनेर बिक्रीका लागि काठमाडौ लैजान लागेको प्रहरीलाई बताएका छन् । यसैवीच बाराको धनसार नजिकै एउटा मृत हरिण फेला परेको प्रहरीले जनाएको छ ।