एमाओवादी आक्रमणमा उत्रिएको भन्दै काँग्रेसबाट भत्र्सना

१४ कार्तिक । नेपाली कांग्रेसले चुनाव प्रचारका क्रममा प्रतिस्पर्धी दल एमाओवादी समेत आक्रमणमा उत्रिएको भन्दै भत्र्सना गरेको छ ।

कांग्रेस प्रचार विभागले विहीबार पार्टी केन्द्रीय कार्यालय सानेपामा पत्रकार सम्मेलन गरी चुनावी प्रतिस्पर्धाबाट डराएर एमाओवादी आक्रमणमा उत्रिएको आरोप लगाएको हो । बुधबार गोरखामा र अघिल्लो साता नुवाकोटमा कांग्रेस कार्यकर्तामाथि एमाओवादीका कार्यकर्ताले आक्रमण गरेको कांग्रेसले जनाएको छ ।

अज्ञात समूहबाट, चुनाव विरोधी शक्तिहरूबाट र एकीकृत माओवादीबाट समेत हिंसात्मक गतिविधि जारी रहेको भन्दै नियन्त्रणका लागि काँग्रेसले सरकारको ध्यानाकर्षण गरेको छ । कांग्रेसले नेकपा माओवादी सहितका चुनावको विपक्षमा रहेका दललाई आफ्ना राजनीतिक गतिविधी सभ्य ढंगले संचालन गर्न आग्रह गर्दै हिंसात्मक गतिविधिको जिम्मा लिनुपर्ने अवस्थाप्रति सचेत हुन आग्रह गरेको छ ।
कांग्रेसले नेकपा–माओवादीसहितका दललाई चुनावमा सहभागी गराउने प्रयास सफल हुन नसकेको भन्दै अझै पनि संविधानसभामा सहभागी गराउने विकल्पको खोजी भइरहको बताएको छ ।

0 comments

Write Down Your Responses

Related Posts Plugin for WordPress, Blogger...