प्रत्यक्ष तर्फको उम्मेद्वारी दर्ता हुँदै


१७ असोज । आगमी संविधानसभा निर्वाचनमा पहिलो हुँने निर्वाचन प्रणाली (एपीटिपी) अर्थात प्रत्यक्ष तर्फको उम्मेद्वारको मनोनयन बिहीबार हुँदैछ ।
उम्मेद्वारको मनोनयन प्रत्येक जिल्लाको जिल्ला निर्वाचन कार्यालयमा हुँनेछ । काठमाडौंको हकमा भने अन्तर्राष्ट्रिय सम्मेलन केन्द्रमा उम्मेद्वारी दर्ताको कार्यक्रम हुँनेछ ।

दुई सय ४० निर्वाचन क्षेत्रको प्रतिस्पर्धामा भाग लिन चाहने दलहरुले प्रत्येक जिल्लाको जिल्ला निवार्चचन कार्यालयमा बिहीबार नामावली दर्ता गराउनुपर्नेछ । उम्मेद्वारको नामावली दर्ता नगराउने दल र उम्मेद्वारले प्रत्यक्ष तर्फको निर्वाचनमा भाग लिन पाउँदैन । यस्तै स्वतन्त्र रुपमा उम्मेद्वारी दर्ता गराउन चाहने व्यक्तिले समेत बिहीबार नै उम्मेद्वार दिनुपर्नेछ । स्वतन्त्र व्यक्तिले तीन हजार रुपैयाँ धरौटी रकमसहित उम्मेद्वारी दर्ता गराउनुपर्ने प्रावधान छ ।

प्रत्यक्षमा चुनाव चडने व्यक्तिले नागरिकताको प्रमाणपत्र, मतदाता नामावलीमा नाम भएको जानकारीपत्र र सम्वन्धित पार्टीले उम्मेद्वारका लागि दिएको पत्रको प्रतिलिपी आवश्यक मानेको छ ।

यसअघि निर्वाचन आयोगले समानुपातिक निर्वाचन प्रणाली अन्तर्गत निर्वाचनमा भाग लिने दलहरुको नामावली मागेको थियो । जसमा एक सय २४ दलले आवेदन दिएका थिए । उम्मेद्वारको बन्दसूचीको पेश शुक्रवारसम्म गरिसक्नुपर्ने आयोगको कार्यतालिका छ ।

आयोगले चुनावमा भाग लिन दल दर्ताका लागि दिएका एक सय ३९ दलमध्ये एक सय ३० दललाई निर्वाचनमा भाग लिन योग्य मानेको छ । समानुपातिक तर्फ भने एक सय ३० मध्ये एक सय २४ दलले मात्र प्रतिस्पर्धा गर्ने भएका छन ।

0 comments

Write Down Your Responses

Related Posts Plugin for WordPress, Blogger...