सडक बनाउन सेक्स हड्ताल

आफ्नो क्षेत्रमा सडक बनाउन कसैले के सम्म गर्न सक्लान ? डेलीगेसन जाने वा त्यस्तै केहि दबाबमूलक कार्यक्रम गर्ने सम्म गर्लान तर सडक बनाउनकै लागि कसैले सेक्स हड्ताल गर्छन भन्दा पत्याउन मुश्किलै पर्ला तर कोलम्बियाको ग्रामिण भेग बार्बाकोसमा आजभोली महिलाहरुको यस्तै सेक्स हड्ताल चलिरहेको छ । पछिल्ला दुइबर्षमा सेक्स हड्ताल भएको यो दोश्रोपटक हो ।

महिलाहरुले उनीहरुको बस्तीसम्म आउने जाने बाटो राम्रो र पक्कि बनाउनु पर्ने माग राख्दै सेक्स हड्ताल सुरु गरेका छन् । जबसम्म सडक राम्रो बन्दैन तब सम्म कुनै पनि महिलाले यौन सम्बन्ध नराख्ने भन्दै हड्ताल सुरु गरिएको हो । महिलाहरुले यसलाई क्रसलेग मुभमेन्टको नाम दिएका छन् । बार्बाकोस जाने सडक यति खराब छ कि, जसले गर्दा गर्भवती महिलालाई अस्पताल पुग्न १४ घन्टासम्म लाग्छ, कति महिलाले त मृत्यु मृत्युको शिकार पनि बन्नुपर्छ ।

हडतालको नेतृत्वकर्तामध्ये एकले भनिन 'जब हाम्रा बच्चाहरुले जन्मनुभन्दा अगाडी नै खराब सडकको कारणले मृत्युबरण गर्नुपर्छ भने किन हामीले बच्चाको बारेमा सोच्ने त्यसैले हामीले यौन सम्बन्ध राख्न नै बन्द गरिदियौ ।' जबसम्म सडक बन्दैन तबसम्म यो हड्ताल जारी रहन्छ, हडतालको नेतृत्व गर्नेहरुको भनाइलाई उद्धृत गर्दै केहि मिडियाहरुले लेखेका छन् ।

२०११मा जब एक गर्भवती महिला खराब सडकको कारण अस्पताल पुग्न पाइनन तब पहिलोचोटी सेक्स स्ट्राइक भएको थियो । २०११मा भएको पहिलो हड्ताल करिब तिन महिना १९ दिनसम्म चलेको थियो । त्यतिबेला सेक्स स्ट्राइकको मामला निकै नै चर्चामा थियो र समाचारका हेडलाइन पनि बनेको थियो । जसका कारण स्थानीय नेताहरुद्वारा ३५ माइल लामो सडकलाई मर्मत गरेर राम्रो बनाउने बाचा गरिएको थियो । र यसका लागि सरकारले पनि २१ मिलियन डलरको मद्दत गरेको थियो । यद्यपी २ वर्षा बितिसक्दा पनि सडक नबनेपछी महिलाहरुले पुन सेक्स हड्ताल सुरु गरेका छन् ।

मिडियामा प्रकाशित समाचारहरुलाई मान्ने हो भने यहाँ अहिले सडक निर्माण कार्य तिब्र गतिमा युद्धस्तरमा संचालन भैरहेको छ । इन्जिनियरहरुको फौजको साथमा बुल्डोजर र अन्य मेसिनहरु अहिले तिब्र गतिमा परिचालित छन्, मिडियामा खबर छ ।

0 comments

Write Down Your Responses

Related Posts Plugin for WordPress, Blogger...