Social News » तिहारको तेस्रो दिन: लक्ष्मी पूजा

१७ कार्तिक । आइतबार कार्तिककृष्ण औंशी, तिहारको तेस्रो दिन, हिन्दू नेपालीहरुले लक्ष्मीपूजा गरि तिहार मनाउँदैछन् ।

विहानै गाईको पूजा गरी साँझ घरघरमा धनधान्यकी देवी लक्ष्मीको पूजा–आराधना गरिँदैछ । सफासुग्घर, उज्यालो र परिश्रमीको घरमा मात्र लक्ष्मीको बास हुने विश्वास अनुरूप आइतबार घरको सबैतिर सफा सुग्घर गरी दीपावली गरेर लक्ष्मीपूजा गर्ने चलन छ ।
गोबरले लिपेर मूल ढोकाबाट रातो माटोको बाटो र चामलको पीठोले लक्ष्मीको पाइला बनाई ढुकुटीसम्म लगी पूजा गर्ने गरिन्छ । लक्ष्मीपूजालाई दीपावली र सुखरात्री पनि भनिन्छ । लक्ष्मीपूजा गरिसकेपछि साँझ युवतीहरूले घरघरमा गई भैलो खेल्ने चलन छ ।

0 comments

Write Down Your Responses