फर्किने भो स्टार्ट बटन, २०१५मा लन्च हुने भो विन्डोज १० (भिडियो सहित)

टेक्नोलोजीमा दख्खल राख्नेहरुको आशालाई गलत साबित गर्दै विन्डोज ७ पछी विन्डोज ८ र ८.१ लन्च गरेको माइक्रोसफ्टले अब विन्डोज ९ लन्च नगरेर विन्डोज १० लन्च गर्ने भएको छ । मोबाइल र इन्टरनेट टेक्नोलोजीमा आएको बदलावलाई ध्यानमा राखेर विन्डोज १० लाई कम्प्युटर, ल्यापटप, ट्याब्लेट र मोबाइलमा सजिलै चलाउन मिल्ने गरि निर्माण गरेर लन्च गरिने बिश्वास गरिएको छ ।

विन्डोज ७ बाट विन्डोज ८ मा आइपुग्दा विन्डोजको लूक्स संगै स्टार्ट बटन पनि हटाइएको थियो जसले गर्दा सुरुमा विन्डोज ८ चलाउन टच स्क्रिन भएको ल्यापटप र ट्याब्लेटको नै अवश्यकता पर्ने भयो । यद्यपी यसमा केहि सुधार गरेर ८.१ लन्च गरियो तर पनि युजरहरुको मन जित्न विन्डोज ८.१ पनि असफल नै रह्यो र विन्डोज ७ नै लोकप्रिय रह्यो । माइक्रोसफ्टका अनुसार विन्डोजको नयाँ भर्सनमा स्टार्ट बटनको साथमा केहि पुराना कमाण्डहरुलाई पनि पुन: सक्रिय गराइनेछ । जसले गर्दा विन्डोज १० यसका प्रयोगकर्ताहरुलाई ज्यादा उल्झाउ नलागोस, कम्प्युटर, ल्यापटप, ट्याब्लेट र मोबाइलमा सजिलै चलाउन मिल्ने होस् ।

अन्दाज गरिंदै छ कि विन्डोज ८ का प्रयोगकर्ताहरुप्रति माइक्रोसफ्टले केहि सहानुभूति देखाउनेछ र विन्डोज ८ का प्रयोगकर्ताहरुलाई विन्डोज १०को निशुल्क अपडेट दिनेछ तर माइक्रोसफ्टले भने यससम्बन्धी मुख खोलेको छैन । विन्डोज ८ को अलोकप्रियताको बिचमा आउन लागेको विन्डोज १० को सफलता र लोकप्रियता माइक्रोसफ्टको लागि निकै नै चुनौतीपूर्ण सावित हुने टेकगुरुहरुको भनाइ छ ।

भिडियो हेर्नुहोस:


अधिक जानकारीका निमित्त Windows Insider Program

0 comments

Write Down Your Responses

Related Posts Plugin for WordPress, Blogger...